Радыё Марыя-online

 
 
 
 

Каляндар

Католические праздники

 

Малітва святароў

Год Міласэрнасці

 
 

Як паведамлялася раней, нядаўна каля Чавускай святыні быў устаноўлены новы крыж, які асвяціў біскуп Юрый Касабуцкі. А сёння, 19 чэрвеня, таксама новы дубовы крыж з’явіўся і на мясцовых каталіцкіх могілках.

Суббота, 28 Июнь 2014 14:22

Сумесная праца святароў :)

27 чэрвеня сёлета – дзень малітвы аб святасці святароў. Для нашага духавенства гэта была таксама нагода не толькі сабрацца на супольную малітву, але і разам папрацаваць – гэтым разам у Чавусах, каб дапамагчы а. Гжэгажу і парафіянам у добраўпарадкаванні тэрыторыі каля плябаніі…

Сёння, 11 лістапада, Каталіцкі Касцёл адзначае літургічны ўспамін св. Марціна Турскага, які непасрэдным чынам звязаны з г. Чавусы.

Справа ў тым, што 12 жніўня 1634 горад разам з Магдэбургскім правам атрымаў і адмысловы герб, які апісваецца наступным чынам: у блакітным полі на белым кані святы Марцін з мечам у руцэ, на плячах чырвоны плашч». Як зазначаюць гісторыкі, гэты герб варта разглядаць у адным шэрагу гарадскіх знакаў, якія адлюстроўваюць ідэі абароны і перамогі хрысціянскіх каштоўнасцей.

Падчас расійскага панавання імператрыца Кацярына II 16 жніўня 1781 даравала Чавусам новы герб, які складаўся з 2 частак. У верхняй частцы шчыта частка герба Магілёўскага: у залатым полі палова Расійскага герба. У ніжняй — у чырвоным полі шпага, пакладзена крыжападобна з мячом, злучаны лаўровым вянком, у памяць хвалебнай перамогі, здабытай над шведамі, у наваколлях гэтага горада пад Лясным.

Нажаль, калі ў 2001г. паўстала пытанне аб выбары афіцыйнага геральдычнага сімвалу, Чавускі райвыканкам на чале з старшынёй А. Мацюліным аддаў перавагу гербу часоў Расійскай імперыі як «які больш адказвае менталітэту грамадзян», а 3 студзеня 2005г. менавіта гэты герб і атрымаў статус афіцыйнага геральдычнага сімвалу Чавусаў.

 

Кароткая біяграфія святога Марцін Турскага

Нарадзіўся паміж 316 і 317 гг. у Паноніі (сучасн. Венгрыя) у паганскай сям’і. Яго бацька, рымскі вайсковы трыбун, неўзабаве быў пераведзены ў Італію, дзе прайшло дзяцінства Марціна. Там ён пазнаёміўся з хрысціянствам і жадаў прыняць хрост, але па волі бацькі ва ўзросце пятнаццаці гадоў быў вымушаны стаць вайскоўцам. Праз нейкі час ён разам з войскам апынуўся ў Галіі (сучасн. Францыя). Аднойчы каля гарадской брамы Ам’ена Марцін убачыў жабрака, цела якога было толькі ледзь прыкрытае лахманамі, нягледзячы на холад. Малады вайсковец выцягнуў меч і, разрэзаўшы ім свой плашч, палову аддаў таму жабраку. Уначы Марцін убачыў Хрыста, захінутага ў палову яго плашча. Уражаны гэтым бачаннем, ён пакінуў вайсковую службу і прысвяціў сябе служэнню Хрысту.

 

Святому давялося прайсці праз вялікія цяжкасці, але ён нястомна абвяшчаў Евангелле сярод паганаў. Найбольшай папулярнасцю Марцін карыстаўся сярод простага люду і дзякуючы гэтаму быў выбраны біскупам французскага горада Тура. Ён не пажадаў жыць у біскупскім палацы і пасяліўся ва ўбогай пустэльні непадалёк ад горада. Біскуп Турскі вызначаўся бязмежнай любоўю да ўсіх людзей і, нягледзячы на пераслед з боку нядобразычліўцаў, ніколі нікога не асуджаў. Марцін памёр 8 лістапада 397 г. непадалёк ад Тура падчас аднаго са сваіх шматлікіх душпастырскіх падарожжаў і быў урачыста пахаваны 11 лістапада.

 

Над месцам яго пахавання быў пабудаваны невялікі касцёл, які ў гонар плашча Марціна пачалі называць Capella (адсюль «капліца»). Святы Марцін Турскі — адзін з найбольш шанаваных святых на Захадзе. Яго імкненне паяднаць манаскае жыццё з апостальскім служэннем стала прыкладам для ўсяго заходняга манаства. Святы Марцін з’яўляецца апекуном вайскоўцаў, краўцоў, бедных і жабракоў, а таксама хатняй жывёлы, асабліва коней і гусей. На свята ў яго гонар у многіх краінах гатуюць традыцыйнага гусака.

 

Успамін: 11 лістапада

Среда, 16 Декабрь 2015 12:55

Місія "Карытас" наведала Чавусы

15 снежня супрацоўнікі РМ “ДКТ Карытас” архідыяцэзіі наведалі з дапамогай адну з парафій Магілёўскага дэканату – Чавусы.