+ mohylev-katolik.by +

Гістарычна так склалася, што духоўнае сэрца нашай зямлі знаходзілася на ўсходзе сучаснай Беларусі. Бялынічы, хоча гэтага хто ці не – вось сапраўдная “Беларуская Чэнстахова”… І хоць няма велічнай святыні, страчаны (прынамсьці на дадзены момант) арыгінал слаўнай цудатворнага абраза, гэта не перашкаджае нам тут, на магілёўскай зямлі, славіць Бога за шматлікія ласкі, асаблівым чынам просячы заступніцтва Багародзіцы.

18 лютага кс. Віталій Драздоўскі, кіраўнік Магілёўскага дэканату, здзейсніў дзеканскую візітацыю ў парафіі Маці Божай Бялыніцкай, каб пазнаёміцца з парафіяй, якая з’яўляецца на сённяшні дзень адной з самых маладых на Магілёўшчыне (драўляны касцёл ў Горках быў зачынены свецкімі ўладамі ў 1866г.;  аднаўленне парафіяльнай супольнасці распачалося толькі ў 2006г.).

Дарагія браты і сёстры ў Хрысце!

Шчыра запрашаем Вас на святкаванне парафіяльнага свята, падчас якога мы асаблівым чынам будзем дзякаваць добраму Богу за 10 гадоў адраджэння каталіцкай супольнасці на Горацкай зямлі. Урачыстасць узначаліць Мітрапаліт Мінска-Магілёўскі арцыбіскуп Тадэвуш Кандрусевіч.

Паводле невялікай традыцыі, у суботу ў межах 20 верасня – гістарычнай даты каранацыі папскімі каронамі Бялыніцкай іконы, адбываецца святкаванне парафіяльнага ў Горацкай супольнасці з прычыны тытулу парафіі. Сёлета такім днём стала 18 верасня. Наведаць Горацкую зямлю і разам праславіць Бога прыехалі святары і вернікі з розных парафій Магілёўшчыны, а таксама госці з іншых мясцін.