Радыё Марыя-online

 
 
 
 

Каляндар

Католические праздники

 

Малітва святароў

Год Міласэрнасці

 
 
Среда, 07 Май 2014 10:50

Касцёл Найсвяцейшага Імя Божай Маці ў Чэрыкаве

Автор 
Оцените материал
(0 голосов)

прапануем Вам, дарагія наведвальнікі нашага сайта, пазнаёміцца яшчэ з адной загубленай каталіцкай святыняй на Магілёўшчыне - касцёлам Імя НПМ у Чэрыкаве.

 

Першы раз парафія ўзгадваецца ў 1669г. у сінодзе Сапегі. Прыналежыць да аршанскага дэканату Віленскай архідыяцэзіі.

1790- 1832гг. – заснаванне кармеліцкага кляштара.

1792г.  – пабудова драўлянай святыні Імя НПМ дзякуючы ахвярнасці Маладковіча і іншых вернікаў.

У перыяд 1812-1840гг. у парафіі выконвалі служэнне наступныя святары: а. Раймунд Комбар, а. Афанасій Амбражэвіч, а. Гіпаліт Кантэйка, а. Дам’ян Баневіч, а. Філіп Вітторт.

1840г. – парафіяй пачынаюць апекавацца дыяцэзіяльныя святары.

1848-1849гг. – душпастырам Чэрыкаўскай супольнасці каталікоў быў кс. Людвіг Багдановіч.

1849 – парафія прыналежыць да чавускага дэканату, ёсць капліцы ў Горах, Гаpaдцы.

1851-1852гг– у парафіі служылі кс. Францішак Вечаркоўскі, кс. Марцін Голка.

1862-1869гг.– будоўля мураванай святыні раманскага стылю ў Чэрыкаве. Ахвярадаўцамі сталі м.інш. кс. Павел Падгурскі, Агата Міхайлаўна Цюлюпа, Сымон Андрэевіч Цюлюпа.

Так апісваецца выгляд святыні ў архіўных дакументах:

“Чэрыкаўскі касцёл 3 класа, даўжыня - 12, шырыня - 7, вышыня- 10 саж., (…). Вежаў 2, з 2 дубовымі крыжамі, абабітымі белай бляхай, пад імі шары з жоўтай медзі, памаляваныя алейнай фарбай.

На сярэдзіне франтона чыгунны крыж вагой 12 пудоў. (…) Бабінец аддзелены ад касцёла каменнай сцяною з 4 дзвярыма. Касцёл

пабудаваны ў 3 навы, 4 калоны падтрымліваюць скляпенне. Прэзбітэрый аддзяляецца кратамі. Перад вялікім алтаром лампада вельмі прыгожай мастацкай работы.

У касцёле тры алтары. Галоўны алтар, камень з мошчамі святых, кансэкраваны магілёўскім біскупам-суфраганам Альбінам Сымонам у 1864 г. 23 ліпеня. Уверсе трон з выявай Святой Тройцы і Збаўцы ў цярновым вянку. Па баках трона 8 калонак. Над тронам і галоўным алтаром – драўляная капліца з абразом Божай Маці Бялыніцкай з Дзіцяткам Ісусам (копія). Над алтаром абраз Божай Маці Найсвяцейшай Дзевы Марыі, пісаны на палатне ў драўлянай пазалочанай раме.

Другі алтар, драўляны з левага боку, разной работы з упрыгожаннямі і пазалотай. На ім камень са святымі мошчамі, абраз св. Язэпа, над ім абраз св. Казіміра на палатне.

Трэці алтар, з правага боку, такі, як і св. Язэпа, з абразом св. Антона на палатне.

У сярэдзіне касцёла ў вежы капліца Божай Маці Няспыннай Дапамогі, сцяна, на якой размешчаны абраз, пакрыта дываном.

Абразоў розных – 21. Стацый Дарогі Крыжовай Ісуса Хрыста - 14. На вежы званоў - 3: 8 пудоў 9 фунтаў; 4 пуды 36 фунтаў; 2 пуды.

Сярэбраны крыж з часткаю Святога Дрэва Крыжа.”

1870-1880гг. – душпастырам быў кс. Казімір Пятроўскі

У 1881-1882 гг. - касцёл адрамантаваны.

1900-1907гг. – пастырскае служэнне ў Чэрыкаве выконваў кс. Антоні Казлоўскі

1922-1923гг. – пробашчам парафіі з’яўляўся кс. Станіслаў Ярашэвіч

 

У савецкі час святыня была ў католікаў адабрана. З 1950г. – будынак храма выкарыстоўваецца як Дом культуры.

 

канец XX/XXIст. – пачатак спробаў аднавіць каталіцкае жыццё ў горадзе.

 

 

Літаратура:

Чэрыкаў. Касцёл Імя Панны Марыі, у: http://www.radzima.org/be/object/2786.html.

Nasze Kościoły. Archidiecezja Mohylewska.Т. 1. cz.1. Mohylewszczyzna, s. 93-94.

Кс. У. Завальнюк, Касцёлы Царскай Расіі, 2009, с. 200-201.

Прочитано 1918 раз

Оставить комментарий

Убедитесь, что вы вводите (*) необходимую информацию, где нужно
HTML-коды запрещены