Laudetur Jesus Christus! 

Шчыра вітаем Вас, паважаны наведвальнік, на інтэрнет-старонцы Каталіцкага Касцёла на Магілёўшчыне!

Радыё Марыя-online

 
 
 
 

Каляндар

Католические праздники

 

Год Манаскага Жыцця

Малітва святароў

Год Міласэрнасці

 
 

Папа сустрэўся з біскупамі, якія атрымалі сакру на працягу апошняга года

Оцените материал
(0 голосов)

10 верасня Папа Францішак прыняў на аўдыенцыі ў Ватыкане каля 130 біскупаў, якія атрымалі сакру на працягу апошняга года. Сярод гэтых іерархаў быў дапаможны біскуп Мінска-Магілёўскай архідыяцэзіі Аляксандр Яшэўскі SDB.

 

Біскупы прыбылі ў Рым на спецыяльны курс, арганізаваны Кангрэгацыяй па справах Біскупаў і Кангрэгацыяй па справах Усходніх Касцёлаў.

Звяртаючыся да біскупаў, Пантыфік заўважыў, што ў сваёй прамове жадае ісці далей за «каталог праблематык», якія іх чакаюць. «Я б не хацеў засяроджвацца на гэтым раскладзе абавязкаў, каб не спужаць вас і сябе. Бо ў вас жа яшчэ мядовы месяц!» — пажартаваў Папа.

 

Тым не менш Святы Айцец нагадаў, што «першым і незаменным абавязкам» біскупаў з’яўляецца сведчанне аб Уваскрослым Хрысце, каб адказаць на пытанне свету пра самае важнае. Па словах Папы, сёння людзі забыліся аб вечнасці і нярэдка ў разгубленасці крочаць навобмацак, ахопленыя «цынічным разлікам ўласнага выжывання» і абыякавасцю да «магчымасці вечнага жыцця». Нягледзячы на гэта, перад Касцёлам ставяцца пытанні, адказаць на якія немагчыма без перспектывы ўваскрашэння і вечнасці, дадаў Пантыфік.

 

Папа нагадаў аб «драматычных выкліках», якія стаяць перад біскупамі: глабалізацыі, «эпахальнага феномену міграцыі», «недальнабачнай і часам драпежніцкай эксплуатацыі» навакольнага асяроддзя, годнасці і будучыні чалавечай працы, якой «пазбаўлены цэлыя пакаленні, зведзеныя да ўзроўню статыстыкі», «апустыньвання адносін», згубленасці моладзі і самотнасці пажылых людзей.

 

Біскупы, па словах Пантыфіка, пакліканы цалкам прысвяціць сябе дабру ўласных супольнасцяў, каб «ніводная сфера жыцця людзей» не была «выключана з інтарэсу пастыра». Папа заклікаў прызначаных нядаўна іерархаў весці «за руку» тых, хто ўжо наведвае іх супольнасці, становячыся «педагогамі, духоўнымі кіраўнікамі і катэхетамі», а таксама клапаціцца пра тых, хто аддаліўся ад Касцёла ці зусім не ведае Хрыста.

 

На заканчэнне аўдыенцыі кожны з біскупаў меў магчымасць падыйсці да Святога Айца і абмяняцца з ім некалькімі словамі. Біскуп Аляксандр Яшэўскі ў размове з Папам падзякаваў яму за тое, што вылучыў яго і ва ўзросце 40 гадоў прызначыў біскупам, тым самым адарыўшы сваім вялікім даверам і надзеяй. Таксама іерарх падзякаваў Пантыфіку за клопат аб беларускім народзе і яго далейшым лёсе, пры гэтым дадаўшы, што гэты клопат відавочны ў розных сітуацыях.

 

«Карыстаючыся нагодай, я ўзгадаў аб прагненні вернікаў Каталіцкага Касцёла ў Беларусі і людзей добрай волі ўбачыць Папу на нашай зямлі. У адказ на гэта Святы Айцец моцна паціснуў мне руку і сказаў: “Калі гэтага захоча Пан”. Дзякуючы за клопат аб нашым народзе і Касцёле, я перадаў Папе вельмі сардэчнае прывітанне ад усіх і запэўніў, што мы молімся за Святога Айца», — паведаміў біскуп.

 

Прочитано 1155 раз Последнее изменение Пятница, 11 Сентябрь 2015 19:18
Super User

Рэдакцыя сайта

Сайт: www.mohylev-katolik.by

Оставить комментарий

Убедитесь, что вы вводите (*) необходимую информацию, где нужно
HTML-коды запрещены

Расклад святой Імшы ў нядзелі

Бялынічы

10.00 (на беларускай мове)

 

Горкі

16.00 (на беларускай мове)

 

Крычаў 

10.00 (на беларускай мове)

 

Касцюковічы

11.00 (на беларускай мове),   

15.00 (на беларускай мове) – перыядычна.

 

Магілёў, св. Антонія 

09.00 (на польскай мове),

10.30 (на беларускай мове),

12.00 (на беларускай мове),

16.00 (на беларускай мове).

 

Магілёў, Унебаўзяцця НПМ

9.00 (на польскай мове),

11.00 (на беларускай мове),

13.00 (на беларускай мове),

18.30(на беларускай мове)

 

Магілёў, св. Казіміра

10.00 (на беларускай мове)

18.00 (на беларускай мове)

 

Мсціслаў

13.00 (на беларускай мове)

 

Шклоў 

11.30 (на беларускай мове)

 

Фашчаўка 

13.30 (на беларускай мове)

 

Чавусы 

10.00 (на беларускай мове).