Laudetur Jesus Christus! 

Шчыра вітаем Вас, паважаны наведвальнік, на інтэрнет-старонцы Каталіцкага Касцёла на Магілёўшчыне!

Радыё Марыя-online

 
 
 
 

Каляндар

Католические праздники

 

Год Манаскага Жыцця

Малітва святароў

Год Міласэрнасці

 
 

“Дар над усімі дарамі” – Эўхарыстычная працэсія вуліцамі горада адбылася ў Магілёве.

Оцените материал
(1 Голосовать)

29 мая вернікі Магілёва сабраліся разам, каб адзначыць урачыстасць Найсвяцейшага Цела і Крыві Хрыста і юбілейную ўрачыстасць з нагоды Надзвычайнага Года Божай Міласэрнасці для першакамунійных дзяцей.

 

“Мы ведаем, што любоў Боскага Збаўцы пакінула нам шмат дароў: хрост — праз які мы абмыліся ад грахоў і сталі дзецьмі Божымі; Евангелле — якое паказвае нам шлях да Нябеснага Валадарства; каштоўныя лекі споведзі — якія з нявольніка граху і сатаны робяць нас свабоднымі дзецьмі Божымі; дарагі нашаму сэрцу, святы і чысты Хрыстовы Касцёл — які вядзе нас шляхамі выратавання; любы намі Крыж — на якім Езус, Збаўца свету, адкупіў усіх. (…) Але найбольш каштоўны і даражэйшы за ўсё дар, які Езус пакінуў нам, — Найсвяцейшая Эўхарыстыя – дар над усімі дарамі, за які мы сёння дзякуем Усемагутнаму!” – заўважыў у гаміліі біскуп Аляксандр Яшэўскі.

 

Біскуп заклікаў вернікаў праз удзел у эўхарыстычнай працэсіі ў гэты дзень суправаджаць Езуса сваёй ахвярай і сведчыць аб веры ў Яго прысутнасць пад постаццю Хлеба і Віна.

 

Пасля Імшы Найсвяцейшы Сакрамэнт ва ўрачыстай працэсіі быў пранесены з катэдральнай святыні да капліцы могілках, якой апякуюцца айцы-дамінікане. у капліцу св. Антонія. Вернікі затрымаліся чатыры разы, каб паслухаць Божае слова і атрымаць благаслаўленне Езуса для горада Магілёва, вернікаў і ўсіх жыхароў Магілёўшчыны.

 

Вельмі сімвалічнымі сталі ў гэтым годзе чатыры алтары. Першы, які рыхтавала катэдральная парафія, быў прысвечаны Найсвяцейшаму Сэрцу Езуса. У гэтым годзе адзначаецца 160-годдзе ўстанаўлення гэтай урачыстасці Піем ІХ і ўзгадваюцца словы Хрыста: «Прыйдзіце да Мяне, усе спрацаваныя і абцяжараныя, і Я супакою вас» (Мц 11, 28).

 

Парафія Святога Антонія прысвяціла другі алтар Маці Божай Фацімскай, 100-годдзе аб’яўлення якой увесь Касцёл рыхтуецца адзначаць, узгадваючы просьбу Панны Марыі аб навяртанні і пакаянні.

 

Трэці і чацвёрты алтары былі падрыхтаваны парафіяй Святога Казіміра і святой Ядвігі. У гэты Назвычайны Год Божай Міласэрнасці яны былі прысвечаны Езусу Міласэрнаму, які заклікае паўтараць: «Езу, давяраю Табе» і ўзгадваць, што Бог – Міласэрны Айцец, і Яго дзеці павінны быць міласэрнымі, як і Айцец міласэрны (пар. Лк 6, 36).

 

Фота: Эдвард Кавалеўскі, www.facebook.com

joomlamodniyportal.ru

Прочитано 1501 раз
Super User

Рэдакцыя сайта

Сайт: www.mohylev-katolik.by

Оставить комментарий

Убедитесь, что вы вводите (*) необходимую информацию, где нужно
HTML-коды запрещены

Расклад святой Імшы ў нядзелі

Бялынічы

15.00 (на беларускай мове)

 

Горкі

8.00 (на беларускай мове),

16.00 (на беларускай мове)

 

Княжыцы

14.00 (на беларускай мове)

 

Крычаў 

10.00 (на беларускай мове)

 

Касцюковічы

11.00 (на беларускай мове),   

15.00 (на беларускай мове) – перыядычна.

 

Магілёў, св. Антонія 

09.00 (на польскай мове),

10.30 (на беларускай мове),

12.00 (на беларускай мове),

16.00 (на беларускай мове).

 

Магілёў, Унебаўзяцця НПМ

9.00 (на польскай мове),

11.00 (на беларускай мове),

13.00 (на беларускай мове),

18.30(на беларускай мове)

 

Магілёў, св. Казіміра

10.00 (на беларускай мове)

10.00 (на беларускай мове)

 

Мсціслаў

13.00 (на беларускай мове)

 

Шклоў 

12.00 (на беларускай мове)

 

Фашчаўка 

15.00 (на беларускай мове)

 

Чавусы 

9.30 (на беларускай мове).