Laudetur Jesus Christus! 

Шчыра вітаем Вас, паважаны наведвальнік, на інтэрнет-старонцы Каталіцкага Касцёла на Магілёўшчыне!

Радыё Марыя-online

 
 
 
 

Каляндар

Католические праздники

 

Год Манаскага Жыцця

Малітва святароў

Год Міласэрнасці

 
 

Папяльцовая серада — пачатак Вялікага посту

Оцените материал
(1 Голосовать)

26 лютага прыпадае Папяльцовая серада — дзень, у які ў Каталіцкім Касцёле распачынаецца Вялікі пост, або саракадзённы перыяд пакаяння і ўстрымання ад удзелу ў гучных забавах.

Лічба 40 сімвалізуе ў Святым Пісанні акрэсленую працягласць часу, прызначанага на выкананне пэўнага задання або збаўчага дзеяння Бога. У Вялікім посце Касцёл бачыць не толькі своеасаблівае адлюстраванне сарака дзён, праведзеных Езусам у малітве і посце ў пустыні, што папярэднічалі распачаццю Яго публічнага служэння.

У ім чуваць рэха яшчэ трох вялікіх падзей, апісаных у Бібліі. Гэта, па-першае, сорак дзён патопу, пасля чаго Бог заключыў саюз-запавет з Ноем; па-другое, сорак гадоў вандравання ізраэльскага народа па пустыні з егіпецкай няволі ў абяцаную зямлю; і, па-трэцяе, сорак дзён, на працягу якіх Майсей знаходзіўся на гары Сінай, дзе атрымаў ад Бога Дзесяць Запаведзяў.

Пост служыць асабістаму навяртанню, духоўнаму аднаўленню і ўмацаванню сувязі з Богам праз малітву, устрыманне і справы міласэрнасці.

Перыяды і дні пакаяння ў Каталіцкім Касцёле з’яўляюцца адмысловым часам духоўных практыкаванняў, добраахвотных абмежаванняў і ахвяраванняў. На гэты перыяд прынята рабіць пастановы, гэта значыць прымаць на сябе пэўныя абавязацельствы.

Так, дзеці на час Вялікага посту могуць добраахвотна абмежаваць сябе ў салодкім і пастарацца больш дапамагаць бацькам; падлеткі і моладзь — скараціць час, які яны праводзяць у сеціве, і штодзённа рабіць добры ўчынак; дарослыя — адмовіцца ад ужывання алкаголю ці ад прагляду серыялаў і больш часу прысвяціць малітве і чытанню Бібліі.

Насамрэч, кожны ў адпаведнасці са сваёй канкрэтнай жыццёвай сітуацыяй бярэ такія пастановы, якія сапраўды дапамогуць яму змяніцца да лепшага і стаць чалавекам больш духоўным.

Традыцыйна Вялікі пост — гэта таксама час падрыхтоўкі катэхуменаў да сакрамэнту хросту. Кожная велікапосная нядзеля прысвечана чарговаму этапу ўводзінаў у таямніцы хрысціянскай веры, а ў Пасхальную Вігілію ў святую ноч адбываецца сам хрост.

У першыя стагоддзі хрысціянства падрыхтоўка да пасхальных святаў працягвалася толькі 40 гадзін, аднак з цягам часу яна паступова падаўжалася. Упершыню пра саракадзённы пост узгадвае святы Атаназій Александрыйскі ў пастырскім лісце на Вялікдзень 334 года.

Распачынаецца Вялікі пост абрадам пасыпання галоваў попелам. Гэтае літургічнае дзеянне суправаджаецца словамі: «Памятай, што ты прах і ў прах вернешся» альбо: «Навяртайцеся і верце ў Евангелле».

Сімвалічнае пасыпанне галоваў попелам вядомае ў многіх культурах і традыцыях. Яно сустракалася як у старажытных Егіпце і Грэцыі, так і ў індзейскіх плямёнаў. Пра гэты звычай узгадваецца таксама на старонках Святога Пісання, напрыклад, у кнігах Ёны і Ёэля.

У літургіі Касцёла гэтая практыка з’явілася ў VIII стагоддзі. Першыя ўспаміны пра благаслаўленне попелу адносяцца да Х стагоддзя. У наступным стагоддзі Папа Урбан ІІ зрабіў гэты звычай абавязковым ва ўсім Касцёле. З таго ж часу прынята, каб попел быў са спаленых галінак вярбы, благаслаўлёных у Пальмовую нядзелю мінулага года.

Літургія ў перыяд Вялікага посту адрозніваецца асаблівай стрыманасцю. Падчас Імшы не гучыць радасны хваласпеў «Аллелюя» і гімн «Хвала на вышынях Богу», выкарыстоўваецца літургічнае адзенне фіялетавага колеру, які сімвалізуе пакаянне, святыні не прынята ўпрыгожваць кветкамі, а арган гучыць толькі для падтрымання спеву. У гэты час у касцёлах адбываюцца набажэнствы Крыжовага шляху і Песні жальбы, асаблівым чынам прысвечаныя духоўнаму разважанню збаўчых цярпенняў Хрыста.

Сутнасць Вялікага посту — падрыхтоўка да самага галоўнага свята ўсіх хрысціянаў: Вялікадня, або Пасхі.

Сёлета ў Касцёле на Беларусі па рашэнні епіскапату Першая нядзеля Вялікага посту, якая прыпадае на 1 сакавіка, абвешчана днём пакаяння і перапрашэння за ўсе знявагі Бога, учыненыя сынамі і дочкамі нашага народа. У гэты дзень ва ўсіх касцёлах будуць цэлебравацца святыя Імшы ў гэтай інтэнцыі, а таксама адбудуцца адмысловыя набажэнствы перад выстаўленым Найсвяцейшым Сакрамэнтам.

Значэнне такога перапрашэння каталіцкія біскупы Беларусі тлумачаць у спецыяльным лісце, скіраваным да вернікаў. Таксама на перыяд Вялікага посту Пастырскае пасланне скіраваў Мірапаліт Мінска-Магілёўскі арцыбіскуп Тадэвуш Кандрусевіч.

У ноч з 28 на 29 сакавіка ў мінскім касцёле святога Сымона і святой Алены (Чырвоны касцёл) моладзь збярэцца на традыцыйнае велікапоснае начное чуванне. Сёлета яно пройдзе на тэму: «Не бойцеся! Адчыніце дзверы Хрысту!» Гэтыя словы святога Яна Паўла ІІ сугучныя дэвізу Пастырскага года, які перажывае сёлета Касцёл на Беларусі.

 

Вялікі пост завершыцца 9 красавіка, у Вялікі чацвер, калі распачнецца святы Пасхальны Трыдуум — тры дні, прысвечаныя літургічнаму ўспаміну Пасхальнай таямніцы мукі, смерці і ўваскрасення Езуса Хрыста.

 

Вялікдзень сёлета прыпадае на 12 красавіка.

 

Крыніца: https://catholic.by/3/news/belarus/11141-za-tra-papyaltsovaya-serada-pachatak-vyalikaga-postu

 

Прочитано 81 раз
Super User

Рэдакцыя сайта

Сайт: www.mohylev-katolik.by

Оставить комментарий

Убедитесь, что вы вводите (*) необходимую информацию, где нужно
HTML-коды запрещены

Расклад святой Імшы ў нядзелі

Бялынічы

15.00 (на беларускай мове)

 

Горкі

8.00 (на беларускай мове),

16.00 (на беларускай мове)

 

Княжыцы

14.00 (на беларускай мове)

 

Крычаў 

10.00 (на беларускай мове)

 

Касцюковічы

11.00 (на беларускай мове),   

15.00 (на беларускай мове) – перыядычна.

 

Магілёў, св. Антонія 

09.00 (на польскай мове),

10.30 (на беларускай мове),

12.00 (на беларускай мове),

16.00 (на беларускай мове).

 

Магілёў, Унебаўзяцця НПМ

9.00 (на польскай мове),

11.00 (на беларускай мове),

13.00 (на беларускай мове),

18.30(на беларускай мове)

 

Магілёў, св. Казіміра

10.00 (на беларускай мове)

10.00 (на беларускай мове)

 

Мсціслаў

13.00 (на беларускай мове)

 

Шклоў 

12.00 (на беларускай мове)

 

Фашчаўка 

15.00 (на беларускай мове)

 

Чавусы 

9.30 (на беларускай мове).