Laudetur Jesus Christus! 

Шчыра вітаем Вас, паважаны наведвальнік, на інтэрнет-старонцы Каталіцкага Касцёла на Магілёўшчыне!

Радыё Марыя-online

 
 
 
 

Каляндар

Католические праздники

 

Год Манаскага Жыцця

Малітва святароў

Год Міласэрнасці

 
 

18-25 студзеня 2021 - дні малітваў аб еднасці хрысціян

Оцените материал
(0 голосов)

Штогод паміж 18 і 25 студзеня, ці паміж даўнім святам катэдры св. Пятра і святам навяртання св. Паўла, хрысціяне розных канфесій сустракаюцца ва ўсім свеце на экуменічных набажэнствах, малітвах, канферэнцыях, канцэртах і іншых мерапрыемствах.

У 1897 г. у энцыкліцы Satis соgnitum Леў XIII загадаў, каб у інтэнцыі адзінства хрысціян маліліся 9 дзён паміж Унебаўшэсцем і Пяцідзесятніцай. У 1910 г. св. Пій X перанес гэтыя набажэнствы на 18-25 студзеня.

 

18 студзеня – раней быў днём святкавання катэдры св. Пятра ў Рыме. Гэта было свята, падчас якога католікі ўспаміналі з пашанай трон св. Пятра Апостала, які быў першым папам. Гэта свята нагадвала, што Прастол Пятра - гэта аснова еднасці Касцёла.

 

У 1558 г. Папа Павел IV устанавіў 18 студзеня як памяць аб уступленні на рымскі пасад св. Пятра, а 22 лютага – на свята прыняцця прастола ў Антыёхіі. Абодва святы спачатку адзначаліся ў Рыме, Павел IV пашырыў як  на ўвесь Лацінскі касцёл. Да 1962 г. Касцёл адзначаў абодва святы. Пасля рэформы Яна XXIII яны былі аб'яднаны ў адно, пад агульнай фармулёўкай: свята "Катэдры св. Пятра", якое адзначаецца 22 лютага. У гэты дзень вернікі асаблівым чынам моляцца за сённяшняга наступніка святога апостала Пятра — Папу, які з’яўляецца бачным кіраўніком Касцёла на зямлі і гарантам яго адзінства.

 

25 студзеня – свята Навяртання св. Паўла Апостала. Святкаванне вядомае ўжо ў VIIIстагоддзі. Дзень 25 студзеня, на які прызначанае гэтае свята – гадавіна перанясення цела Апостала народаў у рымскую касцёл Святы Павел за Мурамі. Навяртанне святога Паўла з’яўляецца адной з найважнейшых падзей у Касцёле. Саўл клапатлівы фарысей і пераследавацель Касцёла, па прычыне аб’яўлення яму Хрыста Уваскрослага каля брам Дамаска, стаў не толькі Яго вучнем, але і прысвяціў усё сваё жыццё распаўсюджванню Евангелля; вывеў Касцёл з абмежаванасці юдэйскай супольнасцю і прынёс святло Евангелля ў Еўропу, стаўшыся Апосталам Народаў.

 

Папская рада спрыяння хрысціянскаму адзінству паінфармавала, што сёлета тэмай штогадовай экуменічнай ініцыятывы стануць словы з Евангелля св. Яна: “Заставайцеся ў Маёй любові: прынесяце багаты плён” (Ян 15,1-17), якія выражаюць пакліканне да малітвы, згоды і еднасці ў Касцёле і ўсёй чалавечай сям’і. Малітоўныя матэрыялы падрыхтавала жаночая манаская супольнасць Гран-Шан з Швейцарыі.

 

«Разам з усімі вучнямі Хрыста Каталіцкі Касцёл грунтуе на Божай задуме сваё экуменічнае заданне, мэта якога — усіх сабраць у адно». Касцёл пасланы ў свет, каб усіх і ўсё аб’ядноўваць у Хрысце, каб для ўсіх быць «непадзельным сакрамэнтам адзінства». «Падзел „яўна супярэчыць волі Хрыста, з’яўляецца спакусаю для свету і пры гэтым шкодзіць справе абвяшчэння Евангелля ўсяму стварэнню“» (Ян Павел ІI, Энцыкліка пра экуменічную дзейнасць «UtUnumSint», 5-6).

Прочитано 25 раз
Super User

Рэдакцыя сайта

Сайт: www.mohylev-katolik.by

Оставить комментарий

Убедитесь, что вы вводите (*) необходимую информацию, где нужно
HTML-коды запрещены

Расклад святой Імшы ў нядзелі

Бялынічы

10.00 (на беларускай мове)

 

Горкі

8.00 (на беларускай мове),

16.00 (на беларускай мове)

 

Крычаў 

10.00 (на беларускай мове)

 

Касцюковічы

11.00 (на беларускай мове),   

15.00 (на беларускай мове) – перыядычна.

 

Магілёў, св. Антонія 

09.00 (на польскай мове),

10.30 (на беларускай мове),

12.00 (на беларускай мове),

16.00 (на беларускай мове).

 

Магілёў, Унебаўзяцця НПМ

9.00 (на польскай мове),

11.00 (на беларускай мове),

13.00 (на беларускай мове),

18.30(на беларускай мове)

 

Магілёў, св. Казіміра

10.00 (на беларускай мове)

18.00 (на беларускай мове)

 

Мсціслаў

13.00 (на беларускай мове)

 

Шклоў 

11.30 (на беларускай мове)

 

Фашчаўка 

13.30 (на беларускай мове)

 

Чавусы 

9.30 (на беларускай мове).