Laudetur Jesus Christus! 

Шчыра вітаем Вас, паважаны наведвальнік, на інтэрнет-старонцы Каталіцкага Касцёла на Магілёўшчыне!

Радыё Марыя-online

 
 
 
 

Каляндар

Католические праздники

 

Год Манаскага Жыцця

Малітва святароў

Год Міласэрнасці

 
 

Пастырскае спатканне Магілёўскага і Бабруйскага дэканатаў адбылося ў парафіі Ўнебаўзяцця НПМ і св. Станіслава ў Магілёве.

Оцените материал
(0 голосов)

23 лютага адбылося спатканне духавенства і кансэкраваных асоб Магілёўскага рэгіёна архідыяцэзіі, якое ўзначаліў Апостальскі адміністратар Мінска-Магілёўскай архідыяцэзіі біскуп Казімір Велікаселец.

Спатканне распачалося малітвай на працягу дня Літургіі Гадзінаў. Пасля з духоўным разважаннем да ўдзельнікаў спаткання звярнуўся кс.Юзаф Сярпейка, душпастыр Бялыніцкай парафіі, у якім прысвяціў пытанню асабістай падрыхтоўкі духавенства і кансэкраваных асобаў да святаў Уваскрасення Пана. Як падкрэсліў святар, «клапоцячыся пра даручаных нашай пастырскай апецы людзей, мы можам несвядома забыць пра збаўленне ўласнай душы».

 

Папа Францішак, як дадаў кс. Сярпейка, у сваім Апостальскім лісце Patris corde, прысвечаным асобе святога Юзафа, называе апекуна Езуса пяшчотным бацькам. «Езус бачыў у Юзафе пяшчоту Бога. Пантыфік паказвае, што пяшчота як форма любові дазваляе і дапамагае нам застацца ў лучнасці з Богам нават у хвіліны неспакою і сумневаў», — сцвердзіў святар.

 

«Папа, заахвочваючы нас браць прыклад са святога Юзафа, адкрывае яшчэ адзін аспект: пяшчота дазваляе ўбачыць сваю слабасць і дакрануцца да яе.

Наша крытыка адносна іншых вельмі часта выяўляе ўласную няздольнасць прыняць сваю слабасць, сваю крохкасць. Толькі пяшчота абароніць нас ад справы абвінаваўцы», — адзначыў кс. Сярпейка, спасылаючысчя на словы з Кнігі Апакаліпсісу (пар. Ап 12, 10).

 

«Таму так важна сустрэцца з Божай міласэрнасцю, асабліва ў сакрамэнце пакаяння, і спазнаць праўду ды пяшчоту, — дадаў святар. — Парадаксальна, але нават злы дух можа сказаць нам праўду, аднак робіць ён гэта для таго, каб нас асудзіць».

 

Пасля адбылося выстаўленне Найсвяцейшага Сакрамэнту. Цэлебрацыю святой Імшы ў межах сустрэчы ўзначаліў біскуп Казімір Велікаселец.

 

У сваім слове Біскуп Велікаселец звярнуў увагу прысутных таксама на значэнне малітвы найперш за сябе, а ўжо потым за даручаную паству, бо злы дух спакушае кожнага. Іерарх заклікаў не занядбоўваць ружанцовую малітву, бо Марыя, «зачатая без граху і поўная ласкі, заўсёды абароніць ад спакусаў сатаны».

 

Пасля святой Імшы  кс. Андрэй Кеўліч з Горак у рамках цыклу спаткання звярнуўся з разважаннем, прысвечаным перажыванню Літургіі Слова падчас Літургіі.

 

Пасля Апостальскі адміністратар абмеркаваў бягучыя душпастырскія справы ў Магілёўскім рэгіёне і адказаў на пытанні святароў.

 

Біскуп Аляксандр Яшэўскі ў сваю чаргу заклікаў святароў да салідарнасці, «каб будаваць Касцёл у еднасці з біскупам», а таксама павіншаваў біскупа Казіміра з надыходзячымі імянінамі.

Прочитано 127 раз
Super User

Рэдакцыя сайта

Сайт: www.mohylev-katolik.by

Оставить комментарий

Убедитесь, что вы вводите (*) необходимую информацию, где нужно
HTML-коды запрещены

Расклад святой Імшы ў нядзелі

Бялынічы

10.00 (на беларускай мове)

 

Горкі

8.00 (на беларускай мове),

16.00 (на беларускай мове)

 

Крычаў 

10.00 (на беларускай мове)

 

Касцюковічы

11.00 (на беларускай мове),   

15.00 (на беларускай мове) – перыядычна.

 

Магілёў, св. Антонія 

09.00 (на польскай мове),

10.30 (на беларускай мове),

12.00 (на беларускай мове),

16.00 (на беларускай мове).

 

Магілёў, Унебаўзяцця НПМ

9.00 (на польскай мове),

11.00 (на беларускай мове),

13.00 (на беларускай мове),

18.30(на беларускай мове)

 

Магілёў, св. Казіміра

10.00 (на беларускай мове)

18.00 (на беларускай мове)

 

Мсціслаў

13.00 (на беларускай мове)

 

Шклоў 

11.30 (на беларускай мове)

 

Фашчаўка 

13.30 (на беларускай мове)

 

Чавусы 

9.30 (на беларускай мове).