Плануецца, што святая Імша будзе мець больш урачысты характар. На спяванай Імшы цэлебрант служыць без дыякана і субдыякана, але ўсе спяваныя часткі Імшы спяваюцца такім жа чынам, як ва ўрачыстай Імшы, прычым цэлебрант выконвае тыя часткі, якія належаць ягоным памочнікам. На лацінскай мове спяваная Імша называецца Missa cantata.
У экстраардынарнай форме рымскага абраду Імшы бываюць двух відаў: Імша са спевам(Missa in cantu) і рэцытаваная Імша (Missa lecta).
Імша называецца Імшою са спевам, калі тыя часткі, якія, згодна з рубрыкамі, трэба спяваць, цэлебрант выконвае са спевам; іначай яна называецца рэцытаванай.
У сваю чаргу, Імша са спевам называецца ўрачыстай Імшою (Missa solemnis), калі служыцца ў асісце вышэйшых прыслугоўваючых; калі ж яна служыцца без вышэйшых прыслугоўваючых, яна называецца спяванай Імшою (Missa cantata).
Нарэшце, урачыстая Імша, якую служыць біскуп або хтосьці іншы, хто маеадпаведныя паўнамоцтвы, з урачыстымі абрадамі, акрэсленымі ў літургічных кнігах, называецца пантыфікальнай Імшою.
Фармуляр святой Імшы:
Нядзеля, 13 лютага 2022
Dominica in Septuagesima (Нядзеля Сямідзясятніцы) Стацыя ў св. Лаўрэнція за мурамі
ІІ клас, фіялетавы колер
Св. Імша: з нядзелі, няма Gloria, Credo, прэфацыя de sanctissima Trinitate (пра Найсвяцейшую Тройцу)
Чытанні: 1 Кар 9, 24-27; 10, 1-5; Евангелле: Мц 20, 1-16.
Святую Імшу будзе цэлебраваць кс. Андрэй Кеўліч з Горак.
14.30 – ружнцовая малітва, магчымасць прыступіць да сакраманту паяднання.
15.00 – святая Імша.
Пасля багаслужэння – спатканне для зацікаўленых (у дольным памяшканні святыні).
Адрас: Магілёў, вул. Камсамольская 4, касцёл Ўнебаўзяцця НПМ, капліца Маці Божай Бялыніцкай.
Для сувязі: +375298809919 (кс. Андрэй)
Тут можна можна больш падрабязна пазнаёміцца з тэкстамі, якія прызначаныя на 13лютага 2022г. паводле старога літургічнага календара:
https://drive.google.com/file/d/18rayMWXHs_BiJY9yw-THEhctkssoS9Pg/view?usp=sharing
Як гучаць спевы на Dominica in Septuagesima:
