Laudetur Jesus Christus! 

Шчыра вітаем Вас, паважаны наведвальнік, на інтэрнет-старонцы Каталіцкага Касцёла на Магілёўшчыне!

Радыё Марыя-online

 
 
 
 

Каляндар

Католические праздники

 

Год Манаскага Жыцця

Малітва святароў

Год Міласэрнасці

 
 

Арцыбіскуп прызначыў дадатковага Генеральнага вікарыя ў архідыяцэзіі

Оцените материал
(0 голосов)

17 сакавіка падчас арганізацыйнай часткі пастырскай сустрэчы духавенства і кансэкраваных асоб Мінска-Магілёўскай архідыяцэзіія, якая праходзіла ў касцёле святога Сымона і святой Алены ў Мінску (Чырвоны касцёл) было абвешчана аб прызначэнні дадатковага Генеральнага вікарыя ў нашым лакальным Касцёле.

Па рашэнні арцыбіскупа Юзафа, Біскупскі вікарый для горада Магілёва і Магілёўскай вобласці біскуп Аляксандр Яшэўскі SDB быў прызначаны Генеральным вікарыем Мінска-Магілёўскай архідыяцэзіі.

 

Нагадаем, што раней на гэтай пасадзе арцыпастырам быў зацверджаны біскуп Юрый Касабуцкі. Такім чынам, з пастырскіх меркаванняў, цяпер у Мінска-Магілёўскай архідыяцэзіі будуць дзейнічаць два Генеральных вікарыі, чыё заданне — дапамагаць арцыбіскупу ў кіраванні ўсёй архідыяцэзіяй (пар. ККП 475 §1).

 

 

Адносна паўнамоцтваў Генеральных вікарыяў Кодэкс кананічнага права кажа наступнае:

 

Кан. 475 – § 1. У кожным дыяцэзіі дыяцэзіяльнаму біскупу належыць прызначыць генеральнага вікарыя, які, будучы надзелены ардынарнай уладай згодна з ніжэйпрыведзенымі канонамі, павінен дапамагаць яму ў кіраванні ўсёй дыяцэзіяй.

§ 2. Як правіла, прызначаецца адзін генеральны вікарый, калі толькі шырокасць дыяцэзіі або колькасць яго насельнікаў ці іншыя пастырскія прычыны не пабуджаюць да іншага.

Кан. 477 – § 1. Генеральнага і біскупскага вікарыя свабодна прызначае дыяцэзіяльны біскуп, і ён жа можа свабодна пазбаўляць іх гэтай пасады, прычым прадпісанне кан. 406 застаецца ў сіле.

Біскупскага вікарыя, які не з'яўляецца дапаможным біскупам, варта прызначаць толькі на час, які вызначаецца ў самім акце аб прызначэнні.

§ 2. Калі генеральны вікарый адсутнічае або перад ім паўстаюць перашкоды, якія прызнаюцца законам, то дыяцэзіяльны біскуп можа прызначыць іншага, які будзе яго замяшчаць. Гэтая ж норма прымяняецца і ў адносінах да біскупскага вікарыя.

Кан. 478 – § 1. Генеральнымі і біскупскімі вікарыямі павінны быць святары не маладзейшыя за трыццаць гадоў, якія маюць ступень доктара або ліцэнцыята кананічнага права або багаслоўя ці, прынамсі, сапраўды абазнаныя ў гэтых навуках, вядомыя прыхільнасцю да разумнага веравучэння, сумленнасцю, разважлівасцю і вопытам вядзення спраў.

§ 2. Пасада генеральнага або біскупскага вікарыя несумяшчальная з пасадай каноніка-пенітэнцыярыя і не можа даручацца сваякам біскупа аж да чацвёртага калена.

Кан. 479 – § 1. На моцы самой пасады генеральны вікарый ва ўсёй дыяцэзіі мае выканаўчую ўладу, якая па праве належыць дыяцэзіяльнаму біскупу, а менавіта надзелены ўладай выдаваць усе адміністрацыйныя акты — за выключэннем тых, што біскуп захаваў за самім сабою, а таксама тых, што па нормах права патрабуюць асаблівага мандата біскупа.

§ 3. Генеральнаму або біскупскаму вікарыю ў межах іх правамоцтваў належаць таксама пастаянныя паўнамоцтвы, прадастаўленыя біскупу Апостальскай Сталіцай, а таксама права выканання рэскрыптаў, калі ясным чынам не прадугледжана іншага і калі [названыя паўнамоцтвы] не былі падараваны з прычыны асабістых вартасцей дыяцэзіяльнага біскупа.

Кан. 480 – Генеральны і біскупскі вікарый павінны паведамляць дыяцэзіяльнаму біскупу аб важнейшых справах: як тых, якія падлягаюць выкананню, так і выкананых.

Ім ніколі не трэба рабіць насуперак волі і задумам дыяцэзійнага біскупа.

Кан. 481 – § 1. Улада генеральнага і біскупскага вікарыя спыняецца па сканчэнні тэрміну мандата, па адрачэнні ад пасады, а таксама ў тым выпадку, калі пры выкананні кан. 406 і 409 дыяцэзіяльны біскуп паведаміць ім аб іх адхіленні ад пасады і калі біскупская кафедра застанецца вакантнай.

§ 2. З моманту прыпынення служэння дыяцэзіяльнага біскупа прыпыняецца ўлада генеральнага і біскупскага вікарыяў, калі яны не ўзведзены ў біскупскую годнасць.

Прочитано 64 раз Последнее изменение Пятница, 18 Март 2022 09:28
Super User

Рэдакцыя сайта

Сайт: www.mohylev-katolik.by

Оставить комментарий

Убедитесь, что вы вводите (*) необходимую информацию, где нужно
HTML-коды запрещены

Расклад святой Імшы ў нядзелі

Бялынічы

10.00 (на беларускай мове)

 

Горкі

8.00 (на беларускай мове),

16.00 (на беларускай мове)

 

Крычаў 

10.00 (на беларускай мове)

 

Касцюковічы

11.00 (на беларускай мове),   

15.00 (на беларускай мове) – перыядычна.

 

Магілёў, св. Антонія 

09.00 (на польскай мове),

10.30 (на беларускай мове),

12.00 (на беларускай мове),

16.00 (на беларускай мове).

 

Магілёў, Унебаўзяцця НПМ

9.00 (на польскай мове),

11.00 (на беларускай мове),

13.00 (на беларускай мове),

18.30(на беларускай мове)

 

Магілёў, св. Казіміра

10.00 (на беларускай мове)

18.00 (на беларускай мове)

 

Мсціслаў

13.00 (на беларускай мове)

 

Шклоў 

11.30 (на беларускай мове)

 

Фашчаўка 

13.30 (на беларускай мове)

 

Чавусы 

9.30 (на беларускай мове).