Нарадзілася ў 3 ліпеня 1862 г. у Ловішу (Польшча). Ва ўзросце 22 гадоў уступіла ў ордэн Сясцёр Сям’і Марыі. Працавала настаўніцай і выхавацелькай у Варшаве, Магілёве, Пецярбурзе, Адэсе і Сімферопалі. У 1905 г. у горадзе над Дняпром заснавала новы ордэн Місіянерак Святой Сям’і, а з 1913 г. сёстры ўжо працавалі на тэрыторыі Фінляндыі, Эстоніі, а таксама ў Рыме і ў Варшаве. Памерла 4 лютага 1946 г. Была беатыфікаваная Янам Паўлам ІІ 5 чэрвеня 1991 г. у Беластоку.
На сённяшні дзень Кангрэгацыя Місіянерак Святой Сям’і працуе ў многіх мясцінах Беларусі: Магілёў, Баранавічы, Парафіянава, Пінск, Ашмяны, Маладзечна.
Малітва праз заступніцтва благаслаўлёнай Баляславы Лямэнт
Божа, Ты для большай славы Твайго імя ўчыніў, што благаслаўлёная Баляслава Марыя, прысвячаючыся працы ў справе еднасці хрысціянаў, дала нам прыклад жывой веры, праз яе заступніцтва ўзглянь ласкава на аўчарню Твайго Сына і зрабі, каб усе, каго асвяціў адзін хрост, з’ядналіся ў сапраўднай веры і братняй любові. Праз Хрыста, Пана нашага. Амэн.