+ mohylev-katolik.by +

Галоўная ўрачыстасць літургічнага года – падзея Вялікадня – уяўляе сабою драму ў трох дзеяннях і носіць найменне «Святы Пасхальны Трыдуум» ці на латыні “Triduum Paschale”.

Пасхальны Трудуум пачынаецца Імшой Вячэры Пана у Вялікі чацвер, а заканчваецца ІІ Нешпарамі Вялікоднай нядзелі. Выраз «Трыдуум» паказвае, у першую чаргу, не на часавы прамежак з трох дзён, а на тры паслядоўных фазы Велікоднага сакрамэнту: развітальную і, разам з тым, прароцкую Апошнюю Вячэру, Смерць на крыжы, знаходжанне ў пахавальні і Ўваскрасенне.

Вялікі Чацвер. У гэты дзень мы збіраемся вакол Хрыста, як вучні на Апошняй Вячэры. Мы прымаем удзел у тых самых падзеях. Сам Езус запрашае нас да супольнага стала, каб пасля перамянення хлеба і віна ў сваё Цела і Кроў накарміць нашыя сэрцы і целы сваёй Божай Асобай.    

   У Вячэрніку  Хрыстос даў сваім вучням прыклад служэння і ўзаемнай любові, доказам чаго з'яўляца сцэна мыцця ног. З'яўляецца яна ў некаторай ступені доказам у адным знаку цэласнасці выратавальнага дзеяння Бога - прыніжэнне Божага Сына і ўзвялічванне чалавека. Таямніца Божай любові. Бог не падыходзіць да чалавека нібы “з нізу”, выказваючы яму павагу. Такая павінна быць хрысціянская любоў. Таму ў гэты дзень у касцёлах адбываецца абрад сімвалічнага мыцця ног дванаццаці мужчынам, які выконвае святар.

   Хрыстос наказаў нам кіравацца ў жыцці любоўю, кажучы: “Гэта мая запаведзь, каб  вы узаемна любілі адзін аднаго, як я вас палюбіў”(Ян 15, 12). Любоў павінна выяўляцца ў нашым жыцці праз ўзаемнае служэнне іншым, праз нясенне дапамогі людзям ў выкананні штодзённых абавязкаў.

 Падчас Літургіі Вялікага Чацвярга адбываецца перанясенне Найсвяцейшага Сакрамэнта у капліцу захавання Эўхарыстыі, званай традыцыйна вязніцай. Гэты абрад сімвалічна скіроўвае нашую ўвагу на падзеі, якія адбыліся пасля Апошняй Вячэры: малітва ў Садзе Аліўным, арышт і знаходжанне Езуса ў турме.

   Удзячныя Езусу за дар Эўхарыстыі, мы будзем Яго адараваць, паколькі Ён сам прасіў аб гэтым сваіх  вучняў: “Журботная душа мая аж да смерці;  застаньцеся тут і чувайце са Мной!”

Фота з Імшы Вячэры Пана 2015:

Магілёў – Унебаўзяцця НПМ і св. Станіслава:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

joomlamodniyportal.ru

Горкі – Маці Божай Бялыніцкай:

• 
• 
• 
• 
• 
• 
• 
• 
• 
• 
• 
• 
• 
•  

joomlamodniyportal.ru

Па меры магчымасцей фотарэпартаж з астатніх парафій дэканату будзе дапоўнены.

У Вялікую Суботу, 4 красавіка, у Магілёўскім дэканаце біскуп Юрый Касабуцкі наведаў некаторыя парафіі, каб асвяціць вялікодныя стравы і падзяліцца пасхальнай радасцю.

“Зноў у нашым горадзе і ў нашай святыні, на світанні ў вялікодную раніцу радасна б’юць званы, абвяшчаючы Уваскрасенне Божае” – так з радасцю выказваліся некаторыя з вернікаў  конкатэдральнай парафіі ў Магілёве.

Прапануем Вашай увазе фотарэпартажы са Святога Пасхальнага Трыдуума з парафій Магілёўскага і Бабруйскага дэканатаў. Артыкул па меры магчымасцей будзе абнаўляцца.