+ mohylev-katolik.by +

Айцы-клярэтыны запрашаюць у суботу, 12 чэрвеня, у патранальнае свята Місіянераў Клярэтынаў, Сыноў Беззаганнага Сэрца Марыі, на адпустовую ўрачыстасць у гонар св. Антонія Падуанскага.

Старонка https://catholic.by/апублікавала пераклад на беларускую мову новых заклікаў у Літаніі да святога Юзафа, зацверджаныКанферэнцыяй Каталіцкіх Біскупаў у Беларусі.

Усім, хто цікавіцца класічнай формай цэлебрацыі святой Імшы, з радасцю паведамляем, што 11 красавіка ў парафіі  Ўнебаўзяцця НПМ ў Магілёве адбудзецца чарговая цэлебрацыя святой Імшы ў надзвычайнай форме рымскага абраду. Гэта будзе рэцытаваная Імша.

1 красавіка, у Вялікі чацвер, у магілёўскім касцёле Ўнебаўзяцця Найсвяцейшай Панны Марыі і святога Станіслава цэлебравалася святая  Імша Хрызма, якую ўзначаліў біскуп Аляксандр Яшэўскі SDB, біскупскі вікарый для Магілёўскага рэгіёну. У літургіі ўзялі ўдзел святары магілёўскай часткі архідыяцэзіі, кансэкраваныя асобы і вернікі.  

Урачыстыя цэлебрацыі святога Пасхальнага Трыдуума ў старажытным касцёле Унебаўзяцця Найсвяцейшай Панны Марыі і святога Станіслава ў Магілёве ўзначаліць арцыбіскуп Тадэвуш Кандрусевіч, які да 3 студзеня бягучага года з’яўляўся Мітрапалітам –Мінска-Магілёўскім.