+ mohylev-katolik.by +

13 лютага ў парафіі Ўнебаўзяцця НПМ ў Магілёве адбудзецца чарговая цэлебрацыя святой Імшы ў надзвычайнай форме рымскага абраду.

З 1997 года 2 лютага ў Каталіцкім Касцёле было ўстаноўлена Янам Паўлам ІІяк Дзень кансэкраванага жыцця, прысвечаны малітве за асобаў, якія прысвяцілі сваё жыццё служэнню Богу ў розных манаскіх ордэнах і кангрэгацыях, а таксама ў свецкіх інстытутах. У гэты дзень паўсюдны Касцёл асабліва моліцца за гэтых асоб. 

“Кансэкраваныя асобы з’яўляюцца прыкметай Бога ў розных сферах жыцця, з’яўляюцца закваскай развіцця больш справядлівага і братняга свету, прароцтвам дзялення з самымі малымі і беднымі. Так разуметае і пражыванае кансэкраванае жыццё праяўляецца такім, якім яно ёсць на самой справе: яно – дар ад Бога! Божы дар для Касцёла, дар Бога для свайго народа! Кожная кансэкраваная асоба з’яўляецца дарам для нас – Божага народа – на шляху. Гэта прысутнасць вельмі патрэбная; яна ўмацоўвае і абнаўляе справу абвяшчэння Евангелля, хрысціянскага выхавання, міласэрнасці да найбольш патрабуючых, кантэмпляцыйнай малітвы, справу чалавечай і духоўнай фармацыі маладых людзей і сем’яў, намаганні для справядлівасці і міру ў чалавечай сям’і.” (Папа Францішак)

Шчыра віншуем усіх кансэкраваных асоб, якія служаць Богу і людзям на Магілёўскай зямлі!

Малітва за кансэкраваных асобаў

Божа, Ты натхняеш на дабро і дапамагаеш яго здзяйсняць, вядзі шляхам вечнага збаўлення нашых братоў і сясцёр, якія па Тваёй любові пакінулі ўсё і аддалі сябе Табе, каб ідучы следам за Хрыстом, верна выконвалі свае абяцанні і служылі Табе і сваім братам і сёстрам у духу ўбоства і пакоры сэрца. Зрабі, каб яны мелі дух адзінства і, заахвочваючы адзін аднаго да добрых спраў, праз сваё святое жыццё маглі быць сапраўднымі сведкамі Хрыста. Амэн.

Паўсюдны Каталіцкі Касцёл 2 лютага адзначае свята Ахвяравання Пана. Робіць гэта на ўспамін ахвяравання Марыяй і Юзафам іх першароднага сына. У беларускай і польскай традыцыях гэта таксама свята Маці Божай Грамнічнай.

У месяцы лютым Папа Францішак запрашае маліцца ў наступнай інтэнцыі: