+ mohylev-katolik.by +

Сёння, 3 жніўня, у парафіі Ўнебаўзяцця НПМ ў Магілёве адбылася ўрачыстая святая Імша, падчас якой кс. Раман Факсінскі развітаўся з парафіяй.

Згодна з паведамленнем сайта ККББ, 1 жніўня кіраўніком нашага дэканату прызначаны кс. Юрый Быкаў, які ад нядаўняга часу стаў адміністратарам з правамі пробашча парафіі Ўнебаўзяцця НПМ ў Магілёве. Шчыра віншуем кс. Юрыя з прызначэннем і жадаем Божага благаслаўлення на шляху служэння Богу і людзям на Магілёўшчыне!

Апошнія драматычныя падзеі ва Украіне з’яўляюцца для нас матывам, каб звярнуцца да вас, браты і сёстры, з заклікам да далейшай гарачай малітвы ў інтэнцыі мірнага вырашэння нарастаючага канфлікту ў гэтай краіне. Таму звяртаемся да ўсіх вернікаў Каталіцкага Касцёла ў Беларусі, каб найбліжэйшыя дні былі напоўнены малітвай за Украіну. Просім святароў, усіх вернікаў і людзей добрай волі, каб гэтая інтэнцыя стала для кожнага прыярытэтнай справай, а асабліва каб яна знайшла месца ў агульнай малітве, якую ўзносім да Усемагутнага Бога падчас святых Імшаў.

7 чэрвеня 2013г. кс. Андрэй Кеўліч, адміністратар Горацкай парафіі, і кс. Павел Шылак, кіраўнік Магілёўскага дэканату, скіравалі да Канферэнцыі Біскупаў пісьмовы зварот аб стварэнні асобнага ўспаміну Маці Божай Бялыніцкай у каляндары Каталіцкага Касцёла ў Беларусі.