+ mohylev-katolik.by +

Да духавенства, кансэкраваных асобаў, вернікаў Касцёла і людзей добрай волі.

Касцёл ва ўсім свеце трывае ў радасці перажывання святаў Нараджэння Пана нашага Езуса Хрыста. Яшчэ раз мы дзелімся з вамі гэтай радасцю, заахвочваючы, каб гэты перыяд не быў звязаны толькі са спажывецкасцю, але каб больш за ўсё меў духоўны характар. Таямніца, на якую паказвае нам сёння Касцёл у свята Святой Сям’і Езуса, Марыі і Юзафа, - гэта чарговая нагода, каб усвядоміць, што прыйсце Хрыста на свет было адзіным і непаўторным у сваёй велічы і значэнні для ўсяго чалавецтва. Сын Божы стаў Чалавекам, каб мы ўсе маглі стаць дзецьмі Божымі. Такім чынам, гэтая падзея паказвае на праўду, што кожнае новае жыццё – гэта святасць, бо калі мы з’яўляемся дзецьмі Божымі, то нашым Айцом з’яўляецца Бог, які Святы.

Нядзеля ў Актаве Божага Нараджэння Касцёл адзначае вельмі сімвалічнае свята – свята Святой Сям’і: Езуса, Марыі і Юзафа, якое з’яўляецца не толькі напамін непасрэдна пра гэтую Сям’ю, але і заклікам да святасці ў сваім асяроддзі, а асабліва сярод родных нам людзей. 

12 кастрычніка ў Ляскоўцы ўрачыста рапачаўся дзявяты год навучання ў «Школе сямейнага жыцця Мінска-Магілёўскай архідыяцэзіі».

З гэтай нагоды адбылася святая Імша, якую ўзначаліў Генеральны вікарый Мінска-Магілёўскай архідыяцэзіі біскуп Юрый Касабуцкі. Іерарх благаславіў выкладчыкаў і слухачоў на новы навучальны год.

Святы Айцец Францішак абвясціў аб правядзенні ў Касцёле Года сям’і, прысвечанага разважанню над Апостальскай адгартацыяй Amorislætitia, выдадзенай пяць гадоў таму. Ён пройдзе з 19 сакавіка 2021 г. па 22 чэрвеня 2022 г.