Як апісвае ў сваёй кнізе кс. Жыскар, “гэта быў вялікі крок наперад, які дазваляў развіццё рэлігійнага жыцця, таму сквапліва ўзяліся за працу.
На чале са святаром, вызначаным дыяцэзіяльнай уладай, мясцовы люд з невычэрпнай энергіяй збіраў скалу на скалу, камень на камень, у адзіным шэрагу стала ўся чэлядзь Хрыстова.”
Фундатарамі касцёла былі вернікі, перад усім Васілеўскія, Гладзінскія, Венцлаўскія, Шперкоўна. Супольнымі сіламі здабывалі матэрыялы для будоўлі, а хто не меў чаго ахвяраваць на новую святыню, ахвяроўваў сваю працу.
Як зазначаюць гісторыкі, вельмі адданы справе быў кс. Гедройць, і нарэшце ў 1903г. была скончана будоўля.
Асвячэнне новага храма адбылося ў 1904г. Галоўным апекуном стаў св. Людовік. Акрамя гэтага, адпустовыя святы адбывалія на Спасланне Святога Духа і марыйныя святы, а касцёл яшчэ ў дадатак да гэтана меў прывілеі, нададзеныя біскупам Дзенісевічам.
Невялікі касцёл (нават не дазволена было на ім пабудаваць высокія вежы,) адразу стаў сэрцам парафіі, і такім чынам менавіта Свяцілавічы сталі цэнтрам духоўнага жыцця былых парафій ў Княжыцах і Бялынічах.
Паводле некаторых звестак, колькасць вернікаў дасягала 1600 асоб. Быў вельмі шанаваны абраз Маці Божай Бялыніцкай, копія якога знаходзілася ў адным з бочных алтароў святыні.
У парафіі выконвалі пастырскае служэнне м. інш. кс. Межвінскі, кс. Пашкевіч.
Пасля рэвалюцыі камуністы разабралі вежу храма і прыбудавалі з параднай 2 крыла да будынка ў выглядзе літары "Т"
У 30-ых гадах мінулага стагоддзя будынак перадалі прамкалгасу, затым прыстасавалі пад клуб, сельскую школу, калгасную кантору. Цяпер тут знаходзіцца пошта, і аб былой прыгажосці і велічнасці будынка, які некалькі разоў быў рэканструяваны, сёння нагадваюць толькі пілястры ў старой яго частцы.
Фотаздымкі выкарыстаны з www.radzima.org
View the embedded image gallery online at:
https://mohylev-katolik.by/index.php/gistoryya/item/165-kastsjol-sv-lyudovika-svyatsilavichakh-byalynitski-rajon#sigProGalleria04275084b7
Бібліяграфія:
Касцёл Св. Людовіка | Свяцілавічы, у: www.radzima.org
Свяцілавіцкія таямніцы, у: http://news.21.by/society/2014/07/03/951914.html
Nasze kościoły. Opis wszystkich kościołów i parafij znajdujących się na obszarach dawnej Polski i ziemiach przyległych. Tom I. Archidjecezja Mohylowska. Ułożyli i wydali ks. D. Bącykowski i ks. J. Źyskar. Warszawa-Peterburg. 1913, с. 49-52.
