Св. Антонiй Марыя Клярэт нарадзiўся ў Салленце каля Барселоны 23 снежня 1807 года. У маладосцi вучыўся ткацтву. Iдучы за голасам паклiкання стаў духоўным. Будучы святаром, працаваў спачатку ў душпастырстве парафiяльным, а пасля, як апостальскi мiсiянер у Каталонii i на Канарскiх Астравах. У 1849 годзе заснаваў таварыства Сыноў Беззаганнага Сэрца Найсвяцейшай Марыi Панны. У хуткiм часе стаў арцыбiскупам у Санцiяга на Кубе i старана працаваў над адраджэннем каталiцкага жыцця ў гэтай дыяцэзii. Для хрысцiянскага выхавання дзяўчат залажыў супольнасць сясцёр настаўнiцаў пад назвай Беззаганнай Марыi. У 1857 годзе быў паклiканы ў Iспанiю, каб быць спаведнiком каралевы Iзабэллы II. Спадарожнiчаў ёй на выгнаннi ў Францыi. Памёр 24 кастрычніка 1870 г.
Апостальская духоўнасць айцоў кларэтынаў скіравана на місіянерскую паслугу Божага Слова. Айцы супольнасці займаюцца евангелізацыяй і рэевангелізацыяй занядбаных асяроддзяў, імкнучыся будаваць Касцёл і свет як вялікую братэрскую сям’ю любові.
На дадзены момант Супольнасць Місіянераў Кларэтынаў маюць душпастырскія пляцоўкі ў многіх кутках свету, у тым ліку і ў Беларусі: у агр. Азёры, г. Магілёве і г. Зельве.
