У Ватыкане прадстаўлены лагатып Года Кансэкраванага Жыцця 2015, аб’яўленага Папам Францішкам. Праект распрацаваны Кангрэгацыяй Інстытутаў Кансэкраванага Жыцця і Таварыстваў Апостальскага Жыцця. Ён адлюстроўвае асноўныя каштоўнасці гэтай асаблівай формы жыцця і падкрэслівае “безупыннае дзеянне Святога Духа, які на працягу стагоддзяў памнажае багацце, што выплывае з практыкі евангельскіх рад праз шматлікія дары».
Лагатып уяўляе сабой голуба, створанага з напісанага па-арабску слова «супакой». Гэта азначае, што пакліканне да кансэкраванага жыцця з’яўляецца прыкладам усеагульнага паяднання ў Хрысце. Голуб лунае над мазайкай у выглядзе вады, якая сімвалізуе гармонію чалавечага і звышнатуральнага. Тут жа побач размешчаны тры зоркі ў якасці спасылкі на любоў да Троіцы. Акрамя гэтага над крыламі голуба размешчаны шматгранны сімвал глобуса, які азначае мноства культур сучаснага света, так часта падкрэсленага Папам Францішкам.
Лагатып змяшчае таксама два лацінскія надпісы: « Кансэкраванае Жыццё ў Касцёле сёння» (Vita consecrata in Ecclesiahodie) і «Евангелле, Прароцтва, Надзея» (Evangelium, prophétie, Spes).
Паводле: http://pijary.info
