Яе ў саслужэнні цэлебруюць біскупы і прэзбітэры дыяцэзіі. Святары абнаўляюць абяцанні, якія давалі пры пасвячэнні.Таксама падчас Імшы Хрызма благаслаўляюцца алей хворых, які ўжываецца ў сакрамэнце хворых, а таксама алей катэхуменаў, якім намашчаюцца тыя, хто рыхтуецца да хросту. Хрызма выкарыстоўваецца ў сакрамэнтах хросту і канфірмацыі на знак далучэння таго, хто прымае гэтыя сакрамэнты, да народа Божага, які з’яўляецца «каралеўскім святарствам» (1 П 2, 9), а таксама пры пасвячэнні біскупа і святароў на знак іх святарскай годнасці ў іерархіі Касцёла.
Святая Імша Хрызма ў Мінску распачнецца ў архікатэдральным касцёле Імя НПМ з удзелам духавенства Мінска-Магілёўскай архідыяцэзіі. Аднак па прычыне аб’ектыўных цяжкасцей, улічваючы адлегласці, на якіх знаходзяцца самыя ўсходнія парафіі архідыяцэзіі, Святая Імша Хрызма а 11.00 адбудзецца таксама ў касцёле Ўнебаўзяцця НПМ у Магілёве, з удзелам духавенства Магілёўскага і Бабруйскага дэканатаў.