Дарагія браты і сёстры! Нядаўна ў некаторыя парафіяльныя супольнасці нашага дэканату звярнулася Карыцкая Анастасія Артураўна – з просьбай аб дапамозе.
Пра сябе дзяўчына расказала, што яна – 20-гадовая сірата з Калінкавічаў, цяпер пражывае ў Магілёве. Так сталася, што мама пакінула яе ў 12-гадовым узросце, бацьку яна ніколі не бачыла, выхоўвалася ў прыёмнай сям'і. У школе вучылася на выдатна, затым паступіла ў вучылішча, але прадоўжыць навучанне не змагла – пачала страчваць зрок.
У дзяўчыны бывае вочны крывацёк, разыходзяцца швы ўнутры вока. Першапачаткова яна хацела сабраць грошы на аперацыю ў Ізраілі, але сродкаў не хапіла, да таго ж з-за пандэміі пакуль выехаць за мяжу яна не можа.
- Нажаль, па-сутнасці, я засталася сам-насам з бядой, таму звяртаюся да ўсіх, хто мог бы падтрымаць мяне. Калі ласка, дапамажыце мне стаць паўнавартасным чалавекам. Мой зрок пагаршаецца з кожным днём, я змагаюся за сваё жыццё ў адзіночку. Няхай Гасподзь аддзячыць Вам!
Анастасія расказала, што ёй трэба набыць вельмі дарагія вочныя ўколы.
- Каб падтрымаць хоць неяк мой зрок, лекар параіў набыць уколы «Эйлеа» і іншыя прэпараты. Нажаль, гэта вельмі дорага для мяне, таму я звяртаюся да Вас. Няхай ваша дапамога вернецца вам здароўем, дабрабытам у вашых дамах.
Медыцынскія дакументы можна паглядзець у Інстаграме Анастасіі: https://www.instagram.com/nasty_a2118
Кошт неабходнага прэпарату складае ад 1565.88 да 1614.45 беларускіх рублёў (https://tabletka.by/result?ls=18774). На сённяшні дзень ужо часткова неабходная сумма сабраная – дзякуючы неабыякавасці людзей добрай волі сабрана 500 рублёў.
Як можна дапамагчы:
картка Беларусбанк № 4255190123668967
сапраўдна да: 08/24
Вялікі дзякуй усім тым, хто ўжо змог дапамагчы Анастасіі Артураўне Карыцкай. Заклікаю па меры сваіх магчымасцей далучыцца да дапамогі. Будзем памятаць аб тым, што Хрыстос заклікаў і заклікае ўсіх нас не быць абыякавымі адзін да другога.
кс. Андрэй Кеўліч.
