+ mohylev-katolik.by +

Нагадаем, што нашае дыяцэзіяльнае права кажа аб тым, што “новаменаванага дзекана знаёміць з яго службовымі абавязкамі дэлегат дыяцэзіяльнага біскупа, перадаючы яму архіў і пячатку дзекана, а таксама складаючы аб гэтым пратакол у двух экзэмплярах, адзін з якіх дасылае ў дыяцэзіяльную курыю, а другі пакідае ў архіве дэканату”.

 

У гадзіну Божай Міласэрнасці кс. Андрэй Кеўліч, які рашэннем арцыбіскупа Юзафа Станеўскага 17 сакавіка прызначаны магілёўскім дэканам, у касцёле Ўнебаўзяцця НПМ у Магілёве ў прысутнасці біскупа Аляксандра, а. Віталія Чабатара, віцэ-дэкана, а таксма кс. Паўла Сідарэнкі прамовіў вызнанне веры, а таксама склаў прысягу вернасці, у якой паабяцаў, што будзе “з найвялікшай стараннасцю і вернасцю выконваць абавязкі, давераныя адносна Паўсюднага Касцёла, так і Партыкулярнага, у якім пакліканы да служэння”.

 

Кс. Андрэй быў пазнаёмлены біскупам Алясандрам са сваімі службовымі абавязкамі, яму таксама былі  перададзены архіў і пячатка дзекана Магілёўскага дэканату. Аб гэтым быў складзены адпаведны дакумент у двух экзэмплярах – адзін з якіх дасылаецца ў дыяцэзіяльную курыю, а другі застаецца ў архіве дэканату.

 

Фота: кс. Павел Сідарэнка

 

• 
• 
• 
• 
• 
• 
• 
• 
• 
•  

joomlamodniyportal.ru