На пачатку ўрачыстай Літургіі галоўнага цэлебранта, якім стаў біскуп Аляксандр Яшэўскі, біскуп-вікарый для г. Магілёва і Магілёўскай вобласці, ад імя ўсіх вернікаў парафіі прывіталі прадстаўнікі парафіі. “Першы раз Вы ўзначальнаеце нашую сумесную малітву. Мы вельмі цешымся гэтаму і шчыра жадаем, аб Ксёндз Біскуп добра сябе адчуваў у нашай супольнасці” – сказалі вернікі.
У прывітальным слове а. Гжэгаж, душпастыр Чавускай парафіі, перад усім падзякаваў удзельнікам малітвы, асабліва біскупу і святарам, якія далучыліся да святкаванняў, нягледзячы на тое, што адлегласці паміж парафіямі Магілёўшчыны – немалыя. “Запрашаю усіх да сумеснай малітвы, каб праз заступніцтва Божай Маці мы разам перажывалі гэтае свята і выпрасілі ў Бога тыя, якія патрэбныя кожнаму з нас.
У гаміліі біскуп Аляксандр распавёў аб тым, якім важным прыкладам з’яўляецца Марыя для кожнага веруючага чалавека. “ (…) Марыя прысутнічала ў Вячэрніку разам з Апосталамі, калі нараджаўся Касцёл… (…) Нягледзячы на тое, што ў 1054г. у Касцёле адбыўся раскол на Усходні і Заходні, Марыя з’яўляецца той, якая яднае нас, як Маці Касцёла і Маці Царквы” – зазначыў іерарх.
Важным момантам святкавання стала публічнае вызнанне веры, якое здзейсніў Павел Сыравежкін, які ўжо некалькі гадоў самастойна абірае шлях веры. Біскуп заахвоціў маладога хрысціяніна не баяцца давяраць Хрысту сваё жыццё і быць добрым сведкам веры, як да гэтага заклікаў сваіх вучняў Збаўца, а таксама паблагаславіў яго на шлях мужнага вызнавання веры.
Пасля Эўхарыстыі адбылося маёвае набажэнства, падчас якога ўдзельнікі свята прасілі заступніцтва Багародзіцы над Чавускай парафіяй, каб яна нястомна развівалася і ўзмацнялася дзякуючы дарам Духа Святога.
Фотарэпартаж: Эдвард Кавалеўскі, www.facebook.com
View the embedded image gallery online at:
https://mohylev-katolik.by/index.php/item/322-matsi-kastsjola-malisya-za-nas-parafiyalnae-svyata-2016-u-chavusakh#sigProGalleria18ec14f105
