+ mohylev-katolik.by +

Мэтай гэтага візіту стала дапамога сямі сем’ям перасяленцаў з Луганскай і Данецкай абласцей Украіны. Місія прывезла некаторую мэблю, вопратку, прадукты, і пабывалі ў двух сем’ях – Марыны і Алега Шабанавых і Яўгеніі і Дзмітрыя Казупавых у в. Благавічы Чавускага раёна. У кожнай сям’і свая гісторыя. Але іх яднае адно – ў пэўны момант яны апынуліся ў чужой краіне і амаль ні з чым. На радзіме яны пакінулі працу, гаспадарку, утульнае жыллё. Тут жа ім усё прыходзіцца пачынаць з пачатку. Большасць з перасяленцаў уладкаваліся працаваць у калгасы. Праца хоць і не высокааплочваемая, аднак дапамаглі з жыллём. Праўда, з жыллём не ўсё так проста. Яно ў большасці патрабуе грунтоўнага рамонту – сцены голыя, палы праваліліся, камунікацыі не падведзены. Ну і, вядома, ніякай мэблі. Аднак, гэта усё адно лепш, чым стрэлы і бомбы. Таму, паціху, сем’і робяць рамонт. За лета ужо многае ўдалося зрабіць – змяніць палы, паклеіць некаторыя пакоі, падвесці электрычнасць. Удалося нават завесці гаспадарку – і свінак, і курэй, і нават трусоў.

 

Яшчэ адным пунктам падарожжа стаў Чавускі раённы шпіталь. Сюды супрацоўнікі “Карытас” прывезлі некаторае абсталяванне, а таксама наведалі яшчэ аднаго падапечнага чавускай парафіі – Алега Сакалова. У хлопца сумная гісторыя – яму 20 год і ён паралізаваны з-за пералома шыйнага пазванка. Даглядаць яго асабліва некаму – бацькі памерлі, ёсць толькі стрыечны брат, у якога свая сям’я. У хлопца пачалі з’яўляцца пролежні, таму яго забралі ў шпіталь на некалькі тыдняў, але ужо хутка ён вернецца дадому. Каб аблегчыць яго быт, Місія прывезла спецыяльны ложак для ляжачых хворых, а таксама інваліднае крэсла і прадметы асабістай гігіены. Ну і канешне карытасаўцы зайшлі, каб падтрымаць Алега добрым словам. Сітуацыя яго няпростая, але айцец Гжэгаж, душпастыр Чавускай парафіі, не губляе надзеі на рэабілітацыю хлопца.

 

P.S. Сем’ям з Украіны ўсё яшчэ патрэбна мэбля, посуд, напольнае пакрыцце, бытавая тэхніка. Калі можаце і хочаце дапамагчы – звяртайцеся у Карытас Мінска-Магілеўскай архідыяцэзіі (+375293651878, Вольга).

 

Фота паводле: http://www.caritas-minsk.by

 

• 
• 
• 
• 
•  

joomlamodniyportal.ru