Касцёл заахвочвае вернікаў у гэты дзень да малітвы за святароў, каб тыя сваім штодзённым жыццём давалі добрае сведчанне ўсім людзям, а праз спаўненне свайго штодзённага служэння імкнуліся да святасці, да якой усе былі закліканы Езусам, які сказаў: “Будзьце дасканалымі, як дасканалы Айцец ваш Нябесны” (Мц 5, 48).
«Такое наша цудоўнае пакліканне: мы не можам асвяціць сябе без працы на карысць святасці нашых братоў, а гэтая праца немагчымая, калі ёй не папярэднічае праца над нашым уласным асвячэннем і калі мы не будзем пастаянна яе весці», — чытаем у лісце. (…) Мы ведаем, што пошук святасці заўсёды можа браць пачатак ад жалю і прабачэння. Але адначасова адчуваем патрэбу прасіць аб гэтым як святары, індывідуальна, ад імя ўсіх святароў і для ўсіх святароў(…) Сённяшні свет, які раздзіраюць усё больш балючыя раны, патрабуе Бога-Тройцы, а абвяшчэнне праўды пра Бога з’яўляецца задачай Касцёла. Таму Касцёл павінен захоўваць непарыўную сувязь з Хрыстом і не можа дапусціць ніякага аддзялення ад Яго; ён патрабуе святых, якія прабываюць у Сэрцы Езуса і з’яўляюцца радаснымі сведкамі трынітарнай любові Бога. А святары, каб служыць Касцёлу і свету, павінны быць святымі!» - зазначае кардынал Маўро Пьячэнца, прэфект Кангрэгацыі па справах Духавенства
Шчыра запрашаем усіх вернікаў нашага дэканату далучыцца да супольнай малітвы да святароў, асабліва тых, якія працуюць на Магілёўшчыне!
