Новаму біскупу нададзена Пантыфікам тытулярная біскупская кафедра Furnоs maior, ён скіраваны на служэнне ў Магілёўскую частку архідыяцэзіі.
Галоўным пасвячаючым быў Апостальскі Нунцый у Беларусі арцыбіскуп Клаўдыё Гуджэроцці, асістуючымі біскупамі – Старшыня Канферэнцыі Каталіцкіх Біскупаў у Беларусі Мітрапаліт Мінска-Магілёўскі арцыбіскуп Тадэвуш Кандрусевіч і біскуп Гродзенскі Аляксандр Кашкевіч.
Падчас гаміліі, звяртаючыся да біскупа наміната, Апостальскі Нунцый у Беларусі арцыбіскуп Клаўдыё Гуджэроцці заклікаў: «Ніколі не кажы гэтаму народу, што трэба ўвесь час пакутваць». «Гэты народ павінен адчуць суцяшэнне, і толькі Бог можа суцешыць, бо Ён адзіны можа аддаць сябе да канца», — дадаў арцыбіскуп. «Той канкрэтны чалавек, які пастукаецца ў твае дзверы або да каго пастукаешся ты, з’яўляецца Святым Касцёлам Божым. — Мы, біскупы, павінны заўсёды прысутнічаць сярод свайго народа, каб весці гэтую Божую нявесту да свайго Жаніха — Хрыста».
«Сёння свята Касцёла, — заўважыў арцыбіскуп. — Бог любіць нас настолькі моцна, што дае гэты знак — знак прысутнасці біскупа сярод свайго народа».
У бліжэйшую нядзелю, 5 ліпеня, у Магілёве а 11 гадзіне адбудзецца ўрачыстая святая Імша на распачацце пастырскага служэння біскупа Аляксандра на Магілёўшчыне.
Тэкст і фота паводле: http://catholic.by
