Глыбокапаважаныя Святары, Кансэкраваныя Асобы,
Дарагія Вернікі Магілёўскай часткі нашай Архідыяцэзіі.
13 снежня ў III нядзелю Адвэнту ў нашай Магілёўскай катэдры Унебаўзяцця Найсвяцейшай Панны Марыі і святога Станіслава адбудзецца значная падзея – адкрыццё Святых Дзвярэй як “Брамы Божай Міласэрнасці”.
Распачнецца ўрачыстасць у капліцы на тзв."польскіх" могілках па вул. Лазарэнка Святой Імшой у 09.30.
Затым у 10.30 урачыстая працэсія пройдзе ад капліцы да катэдры.
Адкрыццё Святых Дзвярэй у катэдры ў 11.00.
Вельмі сардэчна запрашаю ўсіх вернікаў і людзей добрай волі на гэтую гістарычную падзею ў жыцці нашага Магілёўскага Касцёла. Няхай Міласэрны Бог і Яго Найсвяцейшая Маці дапамогуць нам нанова адкрыць невычэрпную крыніцу міласэрнасці Пана, каб аднаўляючы свае духоўныя сілы, прыводзіць да яе іншых братоў і сясцёр, каб усім нам быць сведкамі Бога ў сучасным свеце.
+ Аляксандр Яшэўскі, SDB
Біскуп Вікарый Магілёўскага Рэгіёну
