Як адзначылі ўсе ўдзельнікі, рэкалекцыі прайшлі ў цёплай, утульнай і хатняй атмасферы і дапамаглі яшчэ глыбей зразумець, што сужэнства і сям’я - не «пір шчасця», а сумесная дарога да святасці.
У канферэнцыях святар закрануў тэму адносінаў да канфлікту ў сям’і, распавёў аб неабходнасці і важнасці прыняцця сябе і сваіх родных такімі, якімі яны ёсць, аб тым, як важна «не страціць зорку пад дахам сваіх дамоў» - значыць каб з сэрцаў не знікла таямніца імкненняў, таямніца Бога.
Аніматарская пара пазнаёміла ўдзельнікаў рэкалекцый з тым, што гаворыць аб сям’і сацыяльнае вучэнне Касцёла.
Адзін з вечароў кожнае сужэнства працавала над пошукам вырашэння адной з сямейных праблем, прадстаўленай удзельнікамі, а потым гэтае рашэнне абмяркоўвалася ўсімі з дапамогай святара.
Кожны дзень сабраныя прымалі ўдзел у Эўхарыстыі, упрыгожваючы яе спевамі калядак, разважалі над таямніцамі Ружанца, маглі прыступіць да сакрамэнту пакаяння і мелі час для асабістай малітвы.
Падчас выстаўлення Найсвяцейшага Сакрамэнту ўдзельнікі дзякавалі Богу за атрыманыя дары і ласкі, прадстаўлялі Яму радасці і праблемы, просьбы і перапрашэнні, маліліся за святара і ўсіх прысутных. Кожнае сужэнства атрымала асабістае благаслаўленне Найсвяцейшым Сакрамэнтам.
Завяршыліся рэкалекцыі ўрачыстым абедам – агапэ.
Аляксандр i Алена Латушкіны, www.catholic.by