Наш ардынарый заклікае святароў, кансэкравых асобаў і вернікаў маліцца ў інтэнцыі біскупа-наміната Юрыя Касабуцкага, яго падрыхтоўкі да біскупскага пасвячэння і плённага пастырскага служэння ў Касцёле.
У сувязі з гэтым з 16-24 студзеня 2014 г. у нашай архідыяцэзіі адбудзецца адмысловая Навэнна, падчас якой будзем маліцца наступным чынам:
Добры і ласкавы Божа!
Ты ў сваім Провідзе ад самага пачатку пасылаеш Касцёлу добрых пастыраў.
Пакорна цябе просім, міласціва дапамагай сваёй ласкай біскупу-намінату Юрыю Касабуцкаму, які рыхтуецца да біскупскіх пасвячэнняў, каб, як наступнік апосталаў, з моцаю і радасцю абвяшчаў Божае слова, адважна вучыў веры і яе бараніў, асвячаў людзей, мудра выконваў заданне кіравання, ахвярна служыў усім людзям, клапаціўся пра хворых і абяздоленых, бараніў Богам устаноўлены інстытут сям’і і дар жыцця, моладзі ўказваў евангельскі шлях і ўсім даваў надзею.
Давяраючы яго апецы Божай Маці Будслаўскай, просім аб гэтым праз Хрыста Пана нашага. Амэн.
Ойча наш …
Вітай Марыя …
Хвала Айцу і Сыну і Духу Святому …
