Удзел у гэтых духоўных практыкаваннях анлайн самастойны, удзельнічаць можна ў любым месцы, а галоўным рэкалекцыяністам, паводле задумы ініцыятара, стане Дух Святы.
Натхненнем для разважанняў стала евангельская прыпавесць Пана Езуса пра дзесяць паннаў.Святы Ян Залатавусны, інтэрпрэтуючы гэтую прыпавесць, звяртаецца да бацькоў, чыя задача — мудра клапаціцца аб выхаванні дзяцей. Яго погляд на гэты фрагмент Божага слова вельмі арыгінальны, бо засноўваецца на тым, што лічба 5 адпавядае пяці пачуццям, якімі з’яўляюцца зрок, слых, нюх, смак і дотык.
На падзяку за кожнае з пачуццяў, зазначае а. Раман, можна прызначыць пяць дзён. Разам атрымліваецца 25 дзён, ці амаль столькі, колькі працягваецца Адвэнт.
Разважанні ў відэафармаце а. Раман публікуе таксама ў сацыяльнай сетцы https://www.facebook.com
