Паводле Статутаў дэканаў Мінска-Магілёўскай архідыяцэзіі, дэкан абавязаны візітаваць кожную парафію свайго дэканата адзін раз на працягу каляндарнага года, за выключэннем візітаваных біскупам у дадзеным годзе.
Спачатку 6 лютага адбылася візітацыя парафіі Беззаганнага Зачацця Найсвяцейшай Панны Марыі ў г. Крычаве, дзе пасля супольнай малітвы ў капліцы з пробашчам парафіі кс. Паўлам Адамовічам, дэкан бліжэй пазнаёміўся з рэчаіснасцю Крычава, і паспрабаваў дапамагчы супольнасці вырашыць некаторыя канкрэтныя пытанні, звязаныя з належным функцыянаваннем Парафіі.
8 лютага адбылася візітацыя парафіі Святой Тройцы ў Касцюковічах, дзе таксама вельмі гасцінна сустрэлі кс. Кеўліча душпастыр парафіі кс. канонік Андрэй Далянскі і кс. Аляксандр Багдановіч, рэзідэнт Касцюковіцкай парафіі.
