+ mohylev-katolik.by +

Непасрэдна перад Святой Імшой, моладзь прадставіла невялічкую пастаноўку пра сэнс перажываемых святаў. Пасля абвяшчэння Нараджэння Пана, фігурка Дзіцятка Езус, пад плач нованарожданага дзіцяці, была ўрачыста пакладзена ў падрыхтаваных сімвалічныя Яслі.

 

На пачатку гаміліі біскуп Аляксандр сказаў: “Гэты сапраўды прашываючы сэрца плач нованароджанага дзіцяці, які суправаджаў нас да стаенкі, падрыхтаванай для Божага Сына ў нашай катэдральнай святыні, вельмі яскрава адлюстроўвае праўду, што Бог нарадзіўся слабым і бяссільным, каб мы не баяліся Яго. Ён нарадзіўся з любові, каб мы не сумняваліся ў Яго любові. Ён нарадзіўся ноччу, каб мы паверылі, што Ён можа асвятліць кожную рэчаіснасць, пакрытую цемрай. Ён нарадзіўся ў прастаце, каб мы не былі ўнутрана запутанымі. Ён нарадзіўся для нас, у нашым людскім жыцці, каб усіх людзей прывесці ў дом Айца”.

 

Распавядаючы пра вобраз Бога ў Святым Пісанні, іерарх адзначыў што “ў Старым Запавеце, Бог найчасцей прадстаўляецца нам як вельмі далёкі, суровы і караючы. Новы Запавет, дзякуючы прыйсцю Езуса Хрыста, паказвае нам хоць і справядлівага Бога, але адначасова і міласэрнага, які любіць кожнага чалавека без выключэння. Можна сказать, што наш Бог, гэта Бог з чалавечым тварам і сэрцам, Бог, які стаў блізкі кожнаму з нас”.

 

Віншуючы ўсіх прысутных са святамі, біскуп Аляксандр пажадаў, каб урачыстасць Божага Нараджэння “ажывiла ў нашых сэрцах агонь веры, каб мы маглi жыць у яго бляску i цяпле, маглi асвятляць i саграваць iм iншых. Няхай Божая дабрыня, якая аб’явілася ў Езусе Хрысце, умацуе веру, падтрымае надзею і распаліць полымя любові, а таксама дасць суцяшэнне тым, хто яго патрабуе. Святочнай радасці ў Пану, Ягонага супакою і ласкі жадаю і на надыходзячы Новы 2016 год. Няхай ён стане паўнатой часу, калі Езус нараджацца ў нас сваёю ласкай, а таксама стане часам нашай плённай дзейнасці на хвалу Богу і для нашага збаўлення”, — сказаў біскуп.

 

Пасля Святой Імшы духавенства падзялілася аплаткай з усімі сабранымі ў катэдры вернікамі. Можна сказаць, што парафія стала адной вялікай сям’ёй, якая раздяліўшы радасць літургічнага спаткання з Нованароджаным, працягнула яе складаючы сардэчныя віншаванні паміж сабой, ламаючыся аплаткай.

Бог Нарадзіўся, слаўце Яго!

 

Фота: Таццяна Анкудзінава

 

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

joomlamodniyportal.ru